
கறிக்குழம்பு மணக்கவில்லை
————————————————–
என்னது
கறிக்குழம்பு தயார் செய்யும் போது
ஊண் உருகும்
நெய் மணக்கவில்லையா ?
நாசிகளே
நீங்களாகவே குதித்து
உடைந்து விடுங்கள்
பிடுங்கி எறிந்தால் அவமானமாகிவிடும்
திடீரெனக் கதவடைப்பது
உங்களுக்குப் பழக்கம் இல்லையே
வாசனைக்கால்களை
கழற்றிவைத்துவிட்டு
உள்நுழையும்
மூச்சுக்குத் தெரிந்திருக்கிறது எல்லாமும்
அவசர அவசரமாக
காலணிகளை மாட்டி
கால்களைத் தொட்டு ருசிக்கிறது நாக்கு
துளியும் உப்பில்லை
உள்ளே உருளுகிறது
காய்ந்த ஆற்றுமணல்
கசப்பு கூட இல்லாதது
கொன்றுவிடத் தூண்டுகிறது
நாக்கைப் பிடுங்கிக் கொள்ளலாம்
யாராவது சொல்வதற்குள்
நீங்களே விழுந்து விடுங்களேன்
சுவை மணம் தெரியாது
புதிய நோயின் அறிகுறி இதுவென்று
மருத்துவர் சொன்னபின்
நாக்கை இழுத்துக் கொண்டேன்
நாசிகளுக்கு பதிலாக
ஒரு பெரிய உள்மூச்சு.
***
பின்பக்கத்தைத் திண்ணும் மீன்கள்
———————————————————-
முதலில் உள்நுழைகிறது
அதி துல்லிய கேமிரா
அவளது பின்பக்கத்தை அடிப்பவன்
திணிப்பதற்கான
கட்டளைக்காக காத்திருக்கிறான்
சொடக்கு ஒன்று
அவள் முகத்துக்கு நேரே சென்று
முணக ஆரம்பிக்கலாம் என்கிறது
உடலுக்குள்
ஒவ்வொரு படியாக உயர்கிறது
திரவமட்டம்
நீளமான தாமரைத் தண்டை
மீச்சிறு துண்டுகளாகப் பரவ விடுகிறாள்
அலையடித்தும்
அசையக்கூடாத குளத்துக்குள்
கதறுவதற்கான நேரம்
வந்து கொண்டிருக்கிறது
தலையை வெளியில் முட்டி
முகத்தைத் தொலைக்க விரும்புகிறாள்
இப்போதைய சொடக்கு
கண்களை மூடக்கூடாதென
பறந்து வருகிறது
முலைகளில் எச்சில் துப்புகிறவன்
முன்பக்கம் என சைகை காட்டும்போது
இன்னும் இன்னுமெனப்
பசியடங்காமல் துள்ளுகின்றன
பின்பக்க உடலைத்
தின்று முடித்த மீன்கள்.
***
—————————