இணைய இதழ்

போர், அமைதி & சந்தை நூல் அறிமுகம் – ஹரிகிருஷ்ணன் வானமாமலை

கார்ப்பரேட் குருஷேத்திரத்தின் ஒரு கூர்மையான பார்வை    2025 கோவை புத்தகத் திருவிழாவில் யாவரும் பப்ளிஷர்ஸ் ஜீவ கரிகாலனிடம், “ஏதாவது துறை சார்ந்த புத்தகங்கள் இருந்தா சொல்லுங்க, அதை வாசிக்கணும்” என்று கூறினேன். அப்பொழுது அவர் பரிந்துரைத்த புத்தகம்தான், ‘போர் அமைதி & சந்தை’. எப்பொழுதும் கிராமியக் கதைகள், ஒரு குடும்பத்தை பற்றிய கதை, ஒரு தனி மனிதனின் வாழ்க்கைப் பயணம் அல்லது ஒரு குறிப்பிட்ட சமூகத்தின் கதை என்று படித்துச் சலித்த எனக்குப் பெருநிறுவனத்தைப் பற்றிய கதை என்றதும் ஓர் ஆர்வம் வந்தது. அப்படித்தான் இந்தப் புத்தகத்தை வாசிக்க ஆரம்பித்தேன்.  மணி ராமலிங்கம் எழுதிய, ‘போர் அமைதி & சந்தை’ என்ற நாவல், 90களில் இந்தியப் பொருளாதாரத் தாராளமயமாக்கல் மற்றும் கணினிப் புரட்சியின் பின்னணியில் மும்பை மாநகரத்தை மையமாகக் கொண்டு எழுதப்பட்ட ஓர் அழுத்தமான படைப்பாகும். இந்நூல் வெறும் ஒரு கார்ப்பரேட் நிறுவனத்தின் வீழ்ச்சியையும் எழுச்சியையும் மட்டும் பேசாமல், அந்தச் சந்தை அமைப்பிற்குள் சிக்கித் தவிக்கும் மனிதர்களின் அகப் போராட்டங்களையும், வடுக்களையும், உளவியல் ரீதியான மாற்றங்களையும் மிக நுட்பமாக விவரிக்கிறது. 1960களில் தொழிற்சங்கப் போராட்டங்களால் ஏற்பட்ட ‘லாக் அவுட்’ சூழலையும், 90களில் மூளையை மூலதனமாகக் கொண்டு உருவான புதிய தொழில் சந்தையின் ‘லாக் அவுட்’ சூழலையும் ஒப்பிட்டு, ‘இடம்தான் வேறே ஒழிய அதே குருஷேத்திரம்தான்’ என்ற தத்துவார்த்தப் புரிதலுடன் நாவலை ஆசிரியர் நமக்கு அறிமுகப்படுத்துகிறார்.   நாவலின் மிக முக்கியமான பலம் அதன் பின்னணியாக விளங்கும் பம்பாய் (மும்பை) மாநகரமாகும். விக்டோரியா டெர்மினஸ் (வீ டி) ரயில் நிலையம், உதிரும் காய்கறிகள் போலப் பிளாட்பாரத்தில் இறங்கும் மனிதர்கள், மீன் வாசம், மனித வியர்வை மற்றும் பொதுக் கழிப்பறையின் நெடி என பம்பாயின் அசல் முகத்தை ஆசிரியர் வாசகர்களின் நாசிக்குக் கடத்துகிறார். குறிப்பாக, டி.என். ரோடு (DN Road) பிளாட்பாரக் கடைகள், அங்கு விற்கப்படும் செண்டுகள், புத்தகங்கள் மற்றும் உலகத்தின் அத்தனை உணவுகளும் கிடைக்கும் தெருவோர உணவகங்கள் என அந்த மாநகரத்தின் பரபரப்பான நுகர்வோர் கலாச்சாரம் மிக அழகாகச் சித்தரிக்கப்பட்டுள்ளதால் நாவலின் ஆரம்பம் முதல் முடிவு வரை பம்பாயின் கூட்ட நெரிசலில் மூச்சு விட முடியாமல் சிக்கிக் கொண்டுள்ள ஓர் உணர்வை வாசிப்பவருக்கு எழுத்தாளர் மிகச் சுலபமாகக் கடத்துகிறார்.  இந்தத் துடிப்பான நகரத்தில் இயங்கி வரும் அனந்தராமனின் மென்பொருள் மற்றும் விளம்பர விற்பனைத் துறை அலுவலகம்தான் கதையின் மையம். ஒரு சிறு விடுப்பு முடிந்து தமிழகத்தில் இருந்து திரும்பும் ரமணி என்ற இளைஞன், திங்கட்கிழமை காலையில் அலுவலக வாசலில் தொங்கும் பூட்டையும், கம்பெனி ‘லாக் அவுட்’ செய்யப்பட்ட அதிர்ச்சிச் செய்தியையும் எதிர்கொள்வதில் இருந்து நாவலின் முதன்மைக் கதை நகர்கிறது. ஆசிரியர் இந்த நாவலில் வரும் ஒவ்வொரு கதாபாத்திரத்தையும் மிக ஆழமான உளவியல் பின்னணியுடன் வடிவமைத்துள்ளார். ரமணி வேக வேகமாகப் பேசும், மெல்லிய நறுமணங்களை விரும்பும் ஒரு நடுத்தர வர்க்க இளைஞன். அவனது நண்பன் சுந்தர், எதையும் நிதானமாகப் பேசும், முகபாவனைகளைக் காட்டாத ஒரு சாதுரியமான விற்பனையாளன். கம்பெனி மூடப்பட்டவுடன் ரமணி எதிர்கொள்ளும் பசியும், வேலை இழப்பு குறித்த பயமும், அவனுக்குள் ஏற்படும் இரத்த அழுத்த நோயின் தொடக்கமும் ஒரு சராசரி நடுத்தர வர்க்க இளைஞனின் பாதுகாப்பின்மையை அப்படியே பிரதிபலிக்கிறது.    ஐஐஎம் (IIM) பட்டதாரியான அனந்தராமன், வெறும் எண்களை மட்டும் நிறுவனமாகக் கருதாமல், மனிதர்களின் கனவுகளுக்கு மதிப்புக் கொடுக்கும் ஒரு லட்சியவாதத் தொழில்முனைவோர். தனது மென்பொருள் நிறுவனத்தை உருவாக்க அவர் மேற்கொண்ட போராட்டங்களும், அவரது வழிகாட்டியான ஜம்னலால் கூறிய ‘வியாபாரம் என்பது மாபெரும் மனப்போர்’ என்ற தத்துவமும் அவரது கதாபாத்திரத்திற்குப் பெருமை சேர்க்கின்றன. ஜம்னலாலும் அனந்தராமனும் பேசிக் கொள்ளும் இடம் வாசிக்கும் நமக்கு மிகப்பெரிய உந்துதலைக் கொடுக்கும். விஷ்ணு சேனா அரசியல்வாதி ரானேவின் துப்பாக்கி மிரட்டலுக்குப் பணிய மறுத்து, நிறுவனத்தையே தற்காலிகமாக மூடத் துணியும் துணிச்சல் மிக்கவராக அவர் காட்டப்படுகிறார்.   விளம்பரத் துறையின் தலைவியான ரூபி, அடங்காப் பெண்மையும் ஆளுமையும் நிறைந்த ஒரு நவீனக் கதாபாத்திரம். தன்னுடைய தேவைகளையும் வாழ்க்கையையும் தானே தீர்மானிக்கும் அவளது போக்கு, கார்ப்பரேட் உலகில் அவள் தன் இடத்தை எவ்வாறு தக்க வைத்துக் கொள்கிறாள் என்பதைக் காட்டுகிறது. அனந்தராமனுடனான அவளது நெருக்கமான உறவும், நிறுவனத்தின் ரகசியச் செயல்பாடுகளும் கதையின் சுவாரசியத்தைக் கூட்டுகின்றன.   மென்பொருள் பிரிவின் தலைவனான கார்த்திக்கும், அவனுடன் பணிபுரியும் சித்ராவும் நாவலின் மற்றொரு முக்கியப் பரிமாணம். கார்த்திக்கின் அர்ப்பணிப்பும், நிறுவனத்தின் மீதான அவனது ராஜவிசுவாசமும் லாக் அவுட் காலத்திலும் ரகசியமாக ஹோட்டல் அறைகளில் இருந்து நிறுவனத்தை இயக்க உதவுகிறது. சித்ரா அவனோடு நெருக்கமாக இருந்தாலும், ‘லாக் அவுட் முடிவதற்குள் எனக்கு அமெரிக்கப் பையனுடன் கல்யாணம் ஆகிவிடும்’ என்று எதார்த்தத்தைப் பேசும் தற்காலப் பெண்ணாக விளங்குகிறாள்.     கணக்காளரான சுப்பிரமணியன் என்கிற சுப்பு சார், தீபா பாரில் அமர்ந்து கொண்டு சமூக நீதியைப் பற்றியும், தனது கடந்த கால ஜாதி வடுக்களைப் பற்றியும், கார்ப்பரேட் அரசியலைப் பற்றியும், வேலை இழப்பு பயம் பற்றியும் பேசும் ஒரு விரக்தியடைந்த கதாபாத்திரம். அவருடைய புலம்பல்கள் மூலமாக நடுத்தர வயது மனிதர்களின் வேலைவாய்ப்புப் பயமும், எதிர்காலக் கவலையும் வெளிப்படுகின்றன.     நாவல் பேசும் முக்கியக் கருப்பொருள்களில் ஒன்று சந்தையும் அதிகார அரசியல் மிரட்டல்களும். நாவல் 90களின் பம்பாயில் நிலவிய பிராந்தியவாத அரசியலையும், அதன் மூலமாக கார்ப்பரேட் நிறுவனங்கள் எதிர்கொண்ட அச்சுறுத்தல்களையும் அப்பட்டமாகப் பேசுகிறது. விஷ்ணு சேனாவின் தலைவரான ரானே, அனந்தராமனின் கேபினுக்குள் புகுந்து, துப்பாக்கியால் சுட்டு, மராட்டியர்களுக்கு வேலை கொடுக்க வேண்டும் என்றும், கருப்புப் பணப் பங்கைக் கேட்கும் காட்சியும் அன்றைய மும்பையின் நிழல் உலக அரசியலைக் காட்டுகிறது. இரண்டாவது கார்ப்பரேட் நிறுவனங்களின் உயிர்வாழும் தந்திரங்கள். கம்பெனி கதவடைப்புச் செய்யப்பட்டாலும், வாடிக்கையாளர்களுக்குத் தெரியாமல் இருக்க, ஹோட்டல் அறைகளைத் தற்காலிக அலுவலகங்களாக மாற்றி (அறை எண் 108), ரகசியமாகச் சேவைகளைத் தொடர்வது, பத்திரிக்கைத் துறையைத் தற்காலிகமாகக் குஜராத்திற்கு மாற்றுவது போன்ற கார்ப்பரேட் தந்திரங்களை ஆசிரியர் மிகத் துல்லியமாக விவரித்துள்ளார்.   மூன்றாவதாக, கதாபாத்திரங்களின் அக அமைதியும் புறப் போரும். நாவலின் தலைப்பிற்கு ஏற்ப, ஜம்னலால் அனந்தராமனுக்குக் கூறும் அறிவுரை மிக முக்கியமானது: “வெளியே போரிட உள்ளே நீ மிகப்பெரிய அமைதியாயிருக்க வேண்டும். உள்ளே புத்தனாகவும், வெளியே அலெக்சாண்டராகவும் இருக்க வேண்டும்”. இந்தத் தத்துவமே நாவலின் அடித்தளமாக விளங்குகிறது. ரமணி தன் பயத்தைப் போக்க அவனது ரவி அண்ணாவை நாடுவதும் இந்த அமைதிக்கான தேடலின் ஒரு பகுதிதான்.    அலுவலகத்தில் ரூபி தனது அதிகாரத்தை நிலை நாட்ட கார்த்திக்கை நடத்தும் விதமும் பதிலுக்கு கார்த்திக் செய்யும் மறைமுக வேலைகளும் இதனால் பாதிக்கப்படும் ரூபி கார்த்திகையும் அவனது குழுவில் இருக்கும் அனைவரையும் அவள் பழி வாங்கும் விதமும் ஆபீஸ் பாலிடிக்ஸ் என்றால் எப்படி இருக்கும் என்பதை நமக்குக் காட்டுகிறது. எப்படி அனந்த ராமனுக்கு ஒரு ஜமன்லால் கிடைத்தாரோ அதுபோல் கார்த்திக்கு ஒரு மோதிலால் இருக்கிறார். அனந்தராமனும் கார்த்திக்கும் வேறு வேறு இல்லை. இருவரும் வாழ்க்கை என்னும் கடல் கொண்டு செல்லும் இடத்திற்குப் போகாமல் தாங்கள் விரும்பும் இடத்திற்கு எதிர்நீச்சல் போட்டுச் செல்லும் மன பலம் கொண்டவர்கள்.   மணி ராமலிங்கத்தின் எழுத்து நடை மிக எதார்த்தமானது. பம்பாயின் தமிழ், ஹிந்தி மற்றும் ஆங்கிலம் கலந்த பேச்சு வழக்கு (எ.கா: ‘மங்கிலம்’, ‘தந்தி’) நாவலுக்கு ஒரு தனித்துவமான வாழ்வியல் தன்மையைத் தருகிறது. கார்ப்பரேட் வார்த்தைகளான ‘ரிட்டர்ன் ஆன் இன்வெஸ்ட்மெண்ட்’…

மேலும் வாசிக்க

விஜி ராஜ்குமார் கவிதை

மெய்வம் நிகரில்லா மெய் ஒன்றுநிகழும் பொழுதுகளில்அறிதலில் உள்ளது அனைத்தும்.நிகழும் அனைத்திலும்நிகழ்ந்து கொண்டிருக்கும்தெய்வம் வேறு.இரண்டிற்கும்உள்ள தொலைவில்நடுவே அலையாடும்பாழ்மனத்தின் கூவல்கள்கேட்கும் நதி தீரங்கள்வழிந்தோடும் தெய்வங்களா?இல்லை…சுழித்தோடும் பாம்புகளா?வார்த்தைக்கூட்டின்விநோதக் கூச்சல்களில்நிர்பந்திக்கப்படுகின்றனஅனைத்தும். நதிதீரங்களே!மனிதர்களில்விநோதர்கள்கலந்திருக்கிறார்கள்அல்லதுவிநோதரில் சிற்சிலநேரங்களில்மனிதர்கள்.நீரும் நெருப்பும் கொண்டமேகங்களின் முகமாறுதல்களைஇங்கெவர் நடிக்க இயலும்?விநோதகர்களின் உலகம் மாயங்களில் நிகழ்கிறதுஉடலெங்கும் முகமூடிகளால்ஆனவர்கள்.அவ்வப்போது அவைஏதும்…

மேலும் வாசிக்க

மு.ஆறுமுகவிக்னேஷ் கவிதைகள்

கிருஷ்ண பட்சம் இட்லியுடன் பாலைவிரும்பி உண்ணும்அப்பத்தா‘ஜெலுசில்லைத்’ தவிரவேறு மருந்து மாத்திரையைகடைசி காலம் வரைஉண்டதில்லை அப்பத்தா ஒரு‘டொரினோ’ பிரியைஅவள் தினந்தோறும்ஒரு கிங் சைஸ் (300 ml)டொரினோ குடிப்பது வழக்கம் அவளுக்குப் பிடிக்கும் என்பதற்காகஅப்பா வாங்கி வைக்கும்2 டஜன் டொரினோ பாட்டில்கள்கொண்ட பெட்டிபாட்டில் திறப்பானோடுவீட்டில்…

மேலும் வாசிக்க

ரேகா வசந்த் கவிதைகள்

மனம் அடர்பனி இரவில்இளவெயிலைகனவு காண்கிற மனதுசுட்டெரிக்கும் கோடையில்மழை வேண்டுமெனயாசிக்கிறது “இருப்பதில் திருப்தி கொள்” என்றுதனக்குத்தானேஅறிவுரை கூறிக்கொள்ளும் மனது அடுத்த நொடியே“அடுத்து என்ன வாங்கலாம்?” எனதிட்டமிடத் தொடங்குகிறது எதையும்சிந்திக்காமல் இருக்க வேண்டும்என்று நினைத்தபடியேதீவிர சிந்தனையின்ஆழங்களில்மூழ்கிப் போகிறது மனதை வளைத்துப்போடும்கலையை – மனமேதேடித் தேடிக்…

மேலும் வாசிக்க

கே.பி தோழர்! – ராம் சங்கர்

“ஹலோ… பஷீர் எங்க இருக்க?” “ரூம்லதான் இருக்கேன்…” “இன்னைக்கு சாயங்காலம் ஃப்ரீயா?” “ஆமா… எங்க வரணும்!” “கொஞ்சம் தூரமா போகணும்போல இருக்கு!” “எங்க போகணும்?” “அட்டப்பாடி சத்-தர்ஷன் போலாமா? திங்கள்கிழமை திரும்பி வந்துடலாம்!” “சரி…” பஷீரும் சம்யுக்தாவும் சென்னையிலேயே இருந்தாலும், சந்திப்பு எப்பையாவதுதான் நிகழும். அதுவும் சம்யுக்தா ஏதோ ஒரு மனக்கொந்தளிப்பில் மட்டுமே பஷீருக்கு ஃபோன் செய்வது வழக்கம். சம்யுக்தா இடதுசாரிக் கொள்கையின்மீது தீவிரமான பற்றுகொண்டவள். ஆனால், எங்கேயும் தன்னுடைய கருத்தை ஒருபோதும் திணிக்கமாட்டாள். அதேநேரம் தர்க்கத்தின் பக்கம் எப்போதும்…

மேலும் வாசிக்க

மாரி.கிருஷ்ணமூர்த்தி கவிதைகள்

தூரம் பரந்த கூரைக்கடியில்நட்சத்திரங்கள் மின்னும்இருளில் இருந்துவிளக்கெரியும் அவள் வீட்டைபார்த்துக் கொண்டிருக்கிறேன் இதே வீட்டை இதே மாதிரிஒரு இரவில் பார்த்தபோதுஅவ்வீட்டில் என் காதலிஇருந்தாள்அவள் கனவில் நானும்என் கனவில் அவளுமாகஇருந்த காலம் இப்பொழுது அதேவீட்டில் விட்டுப் போனகணவனின்நினைவில்காதலியும்தன் அப்பனின்முகமறியாத குழந்தையும்கனவின்றிப் படுத்துக் கிடக்கிறார்கள் அவள்…

மேலும் வாசிக்க

செளமியா ஸ்ரீ கவிதைகள்

வார்த்தையைப் பிடித்துஉயிராடும் கவிதையைப் போலநானும் உயிராடுகிறேன்உனது நினைவுகளால் மறத்தல் நியதிதன்னையே மறந்துமாமருந்தானதுஅதுதான் காதலானது! * தனிமையின் கோல் எடுத்துஉலகத்தை வரையசுயம் இனிக்கிறது. எனினும்உடன் உன்னைக் கேட்கிறது இதயம்விரல்கள் நடுங்குகையில்உன் விரல்களால் உயிரை அணைத்துக் கொள்வேறென்ன கேட்டிடும் காதல்! * அத்தனை காலைகளும்சூரியனைக்…

மேலும் வாசிக்க

ஜனநாயகன் பிம்பச்சிறை 2.0 – ர. முகமது இல்யாஸ் ; நூல் அறிமுகம்: பீட்டர் துரைராஜ்

நடிகர் விஜய், அரசியல்வாதியாகி இருக்கிறார். தமிழ்நாட்டில்  எம்.ஜி.ஆர், ஜெயலலிதா என்ற திரைநட்சத்திரங்கள் முதலமைச்சர்களாக அதிகாரத்திற்கு வந்துள்ளனர். விஜயும் முதலமைச்சர் ஆசையில்  இருக்கிறார். கரூரில், கடந்த செப்டம்பரில் ஏழு குழந்தைகள் உட்பட 41  பேர், அவரைக் காண வந்த நெரிசலில் மரித்துப் போனார்கள். விஜயைச் சுற்றி எத்தகைய பிம்பம் கட்டமைக்கப்பட்டுள்ளது, அதன் அரசியல் என்ன என்று இந்த நூலில் விவாதிக்கிறார் திரை ஆய்வாளரான ர. முகமது இல்யாஸ்.  விகடனில் பத்திரிகையாளராக இருந்த ர.முகமது இல்யாஸ் ஓர் ஆய்வு மாணவர். பெயரை மாற்றி கட்டுரை எழுத மறுத்து குரல் எழுப்பியவர். அவர் எழுதிய ‘ஜனநாயகன் பிம்பச்சிறை 2.0’ என்ற  நூல் புத்தகக் கண்காட்சியின் போது வெளிவந்துள்ளது. உடனே வாசித்தும் விட்டேன். சுவாரசியமாக உள்ளது. உணர்ச்சி கடந்து, அறிவுத்தளத்தில்  விவாதிக்க வேண்டிய பல புள்ளிகளை இந்த நூல் காட்டுகிறது.  மறைந்த ஆய்வாளரான எம்.எஸ்.எஸ்.பாண்டியன், ‘ பிம்பச்சிறை எம்.ஜி.ஆர். திரையிலும், அரசியலிலும்’ என்ற நூலை எழுதியிருக்கிறார். அதன் தாக்கத்தில், இந்த நூலுக்கான  பெயர் வைக்கப்பட்டுள்ளது. திரை நட்சத்திரங்களோடு, தொடர்புள்ள பல சம்பவங்களுக்குத் தத்துவ விளக்கம் கொடுக்கிறார் இல்யாஸ். நமக்கு வரும் செய்திகளை ஒரு குடிமகனாக எப்படிப் பார்க்க வேண்டும் என்று குறிப்புகளைத் தருகிறார். புகழ்பெற்ற ஒருவரின் நடவடிக்கைகளில் மறைபொருளாக இருக்கும் செய்திகளை நமது கவனத்திற்குக் கொண்டுவருகிறார். விஜய் நடித்த படங்கள், ரஜினி, அமிதாப், ஜெயலலிதா, விஜயகாந்த் போன்ற நட்சத்திரங்கள் ஊடாக தன்னுடைய வாதங்களை நம் முன்  வைக்கிறார்.  இந்த நூல் விஜயை நடிகராகவும் அரசியல்வாதியாகவும் ஊடகப் பிரதியாகவும் அணுகுகிறது.  ‘எம்ஜி.ஆரின் ஆட்சிக்காலம் ஓர் இருண்டகாலம்’ என்பதை நினைவுபடுத்தும் இந்த நூல், விஜயிடமும் இத்தகைய கூறுகள் உள்ளன என்று  சொல்லுகிறது. ‘விஜயிடம் எந்த விவகாரம் குறித்தும் தெளிவாக வெளிப்படாத நிலைப்பாடுகளின் வழியாக, தொண்டர்கள் அவர்மீதான கற்பனையைத் தங்கள் உணர்ச்சியின் வழியாக தாங்களே கட்டமைத்துக்கொள்கின்றனர்’, என்கிறார். ‘குடிமக்களின் இறையாண்மை மக்களின் கனவாகவே இருந்துவிட்ட நிலையில், மொழி, அடையாளம், அதிகாரம் முதலானவற்றின் ஊடாக தென்னிந்தியாவில் நடிகர்கள் அரசியலுக்கு வருவதும், அதில் வெற்றிபெறுவதும் இயல்பானது’ என்று திரை ஆய்வாளர் மாதவ பிரசாத் சொல்வதைச் சுட்டிக்காட்டுகிறார்.  நெய்வேலியில் ‘மாஸ்டர்’ படப்பிடிப்பில் ஈடுபட்டிருந்த விஜயை, சென்னை வரவழைத்து 24 மணிநேரம் வருமானவரித்துறை விசாரணை நடத்தியபிறகு, அவர் வெளியிட்ட செல்ஃபி அந்த ஆண்டில் ட்விட்டரில் அதிகமாகப் பகிரப்பட்ட படமாகும். எனவே விஜயைக் கண்டுகொள்ளாமல் இருக்க முடியாது.  ஊழலை எதிர்ப்பதைத் தவிர அரசியல் நிலைப்பாடுகள் என்று ஒன்றில்லை என்பதை ரஜினியின் திரைப்படங்கள் முன்வைத்தன. வெகுமக்களிடம் ரஜினியின் இந்து தேசிய ஆதரவு செல்லுபடியாகவில்லை. திராவிட அரசியலை ‘அம்மா’ என்ற உருவகத்தால் நீர்த்துப்போகச் செய்தார் ஜெயலலிதா. ஜெயலலிதாவின் மறைவுக்குப் பின்னரும் அவரைப்பற்றி வெகுமக்களிடம் உருவாகியுள்ள ‘அனுதாபமான’  பிம்பத்தை விமர்சனம் செய்யாமல் திமுக இருக்கிறது என்கிறார் இல்யாஸ்.  எம்.ஜி.ஆர், ஜெயலலிதா, ரஜினி போன்றோர் பயணித்தவாறே விஜயின் பயணமும் உள்ளது என்கிறார் ஆசிரியர். விஜயின் பிம்பம் கட்டமைக்கப்பட்ட ஒன்று. ‘பாதுகாவலன், சகோதரன், தலைவன்’  முதலான பிம்பங்கள் ஒரே நாளில் உருவானவை அல்ல. இந்திப்படங்களில் கோபக்கார இளைஞனாக ‘விஜய்’  என்ற பாத்திரத்தில் அமிதாப் பச்சன் நடித்திருந்தார். இந்தப் பெயரையே,  அவரது தந்தை எஸ்.ஏ.சந்திரசேகரன் அவருக்குச்  சூட்டியிருக்கக்கூடும். நடிகர் விஜயகாந்தின் படங்களில் அவரது தம்பியாக, சிறுவயது விஜயகாந்தாக நடித்தார். ஊடகங்கள் செய்தியைத் தருவதைத் தாண்டி, அவற்றை உருவாக்கவும் செய்கின்றன.டேனியல் டயான் சொல்லும் News Event  என்பதை, கரூர் சம்பவங்களைக் கொண்டு விவரிக்கிறார். 2017ஆம் ஆண்டுக்குப் பிறகு விஜய் பொதுவெளியில் தலைகாட்டுவதைக் குறைத்துக்கொண்டார். டிஜிட்டல்  வெளியில் இருந்து விலக்கிக் கொண்டார். அவரைப் பார்க்க வேண்டும் என்றால்  அவருடைய திரைப்படங்களைப் பார்க்க வேண்டும் என்ற நிலை உருவாக்கப்பட்டது. இல்யாஸ் விஜயை, அனுதாபத்தோடு பார்க்கிறார். ‘தமிழ்ச் சமூகத்தின் கடந்த காலப் பெருமிதம், சமகால நெருக்கடி, எதிர்காலக் கனவு, பதற்றம் முதலானவற்றை வெளிப்படுத்தும் தொன்மமாக விஜய் இயங்குகிறார்’ என்கிறார் ஆசிரியர். ‘வெகுமக்களின் அன்றாடப் பிரச்சனைகளைப் பொறுப்போடு உரையாடத் தொடங்க வேண்டும். தானம் செய்வது அரசியல் செயல்பாடு அல்ல என்பதைத் தொண்டர்களுக்கு உணர்த்த வேண்டும்’ என்கிறார். இந்த நூலை ‘சீர்மைப் பதிப்பகம்’ வெளியிட்டுள்ளது. 180 பக்கம். விலை ரூ. 240. ஆழமான அணிந்துரையும் உள்ளது. (சமீபத்திய திருப்பரங்குன்றம்  விஷயத்தில்கூட அவர் கருத்து சொல்லவில்லை). உதயநிதி ஸ்டாலினும் விஜயும் ‘பெரியாரின் பேரனாக’ பேசப்படுவது கண்டு மகிழ்கிறார் ஆசிரியர். இருவரும் இணைந்து பயணிக்க வேண்டும் என்கிறார். இளைஞர்களையும் குடும்ப ரசிகர்களையும் ஒருங்கிணைத்த விஜயின் படங்கள், கில்லி, திருப்பாச்சி, சிவகாசி, மதுர போன்ற படங்களின் மூலம் கிராமங்களையும் நகரங்களையும்  ஒருசேர ஈர்க்கும் கதைக்களங்களைக் கொண்டவை. நவதாராளவாத உலகத்தின் இளைஞனாக வலம் வரும் விஜய் காதல், பெண்கள், கற்பு என்ற முதலான பழமைவாத சிந்தனைகள் மூலமாக முரண்பட்ட நாயகனாகவும் உள்ளார். அவருடைய திரைப்படங்கள் அவரை கலகக்காரனாகவோ, சமூகப் பிரச்சினைகளுக்கு உரிய தீர்வையோ முன்வைக்கவில்லை.  இந்த நிலையில் திராவிட அரசியலும் இந்த நூலில் விமர்சிக்கப்படுகிறது. உதயநிதி, ஆ.ராசா, பொன்முடி ஆகியோர்மீது திட்டமிட்டு நடத்தப்படும் தாக்குதல்களை எதிர்கொள்ளும் செயற்திட்டம் இன்றைய திமுகவில் இல்லை. இசுலாமியச் சமூகத்தினருக்கும் அந்தக் கட்சிக்கும் இடையிலான பாலமாக திமுகவில் இன்று யாரும் இல்லை. இசுலாமிய வெறுப்பை வைத்து அரசியல் செய்யும் இந்தச் சூழலில் தவெகவிற்கும் திமுகவிற்கும் இடையில் உள்ள முரண்களை நட்பு முரண்களாகக் கருத வேண்டும் என்கிறார்.  வெகுமக்களின் வேலை  வாக்கு அளிப்பதோடு முடிவடைந்து விடுவதில்லை. சாதி ஒழிப்புக்கும் பதிலாகச் சாதி மேலாண்மை, நாயக வழிபாடு போன்றவை குறித்து விழிப்பாக இருக்க வேண்டும் என்கிறார். ர.முகமது இல்யாஸ், ‘இந்துத் தேசியம் இந்தியச் சினிமா’ என்ற காத்திரமான நூலை எழுதியவர். Read between lines என்ற இணையத்தையும் நடத்தி வருகிறார். நூலின் முதல் பக்கத்தில் மேற்கோளாக உள்ள, அரசியல் நிர்ணய சபையில் அம்பேத்கர் பேசிய வசனத்தோடு,  இதனை முடிக்கத் தோன்றுகிறது. “அரசியலில் நாயக வழிபாடும் பக்தியும் நிச்சயமாகச் சீரழிவுக்கான பாதையாகவும், தொடர்ந்து சர்வாதிகாரத்திற்கான பாதையாகவும் இருக்கின்றன” பிகு: விஜயின் வாகனத்தைப் பின்தொடர்ந்து சென்று விபத்தில் சிக்கிய தஞ்சாவூர் விக்னேஷ், உயிருக்குப் போராடி மரணமடைந்த நாளன்று எழுதியது. 

மேலும் வாசிக்க

லோக் நாயக்’ ஜெயபிரகாஷ் நாராயண் – ஆர் பட்டாபிராமன்; நூலறிமுகம்: அக்களூர் இரவி

ஜெயபிரகாஷ் நாராயண் குறித்த  முழுமையான வாழ்க்கை வரலாற்று நூல் தமிழில் ஒன்றிரண்டுதான். இல்லை எனவும் கூறலாம். தமிழறிஞர், காந்தியவாதி தமிழருவி மணியன் ‘மனிதப் புனிதர் ஜெயபிரகாஷ் நாராயண்’ என்றொரு குறுநூலை ஆக்கியுள்ளார்.  பெரும் வாசிப்பாளரும், இந்தியச் சிந்தனை மரபு குறித்தும், மார்க்ஸ், காந்தி,…

மேலும் வாசிக்க

குறுங்கதை- இத்ரீஸ் யாக்கூப்

அவர் என் அப்பா  அந்திக் குன்றாய் அவள் உடலிலும் உடையிலும் செம்மை அப்பியிருந்தது. இந்த வீட்டிற்கு மாறிய பின்னும் புதிதாக எதுவும் உண்டா என்ன? மாடி விளக்கைப் போட வந்தவள் அங்கேயே காற்றுக்கு விடை கொடுத்த மரமாய் நின்றுவிட்டாள். “என்ன ரேகா உங்க வீட்டுக்கு இன்னைக்கு விருந்தாடி யாரோ வந்திருந்தாங்க போல?” காணும்…

மேலும் வாசிக்க