1. ‘பண மழை’ கல்:
- பெயர்: டாலர் டொர்னாடோ (Dollar Tornado)
- பலன்: இதை உங்கள் பர்ஸ் அல்லது பணப்பெட்டியில் வைத்தால் அடுத்த நொடியே அந்தரத்திலிருந்து பணமழை கொட்டும்.
- பயன்படுத்தும் முறை: தினமும் சூர்யோதயத்திற்கு முன் இதை உங்கள் வலது கையில் வைத்து, ‘எனக்கு நிறையப் பணம் வேண்டும்’ என்று 108 முறை மந்திரம் போல் ஜெபிக்கவும்.
2. ‘சர்வ ரோக நிவாரணி’ சிலந்தி:
- பெயர்: ஹெல்த் ஹூலா ஹூப் (Health Hula Hoop)
- பலன்: இந்தத் தங்க முலாம் சிலந்தியை வீட்டு நுழைவாயிலுக்கு மேலே தொங்கவிட்டால், எந்த நோயும் உங்களை நெருங்காது. கேன்சர், எய்ட்ஸ்கூட தூர ஓடிவிடும்.
- பயன்படுத்தும் முறை: ஒவ்வொரு முறை வீட்டிற்குள் நுழையும்போதும் இந்தச் சிலந்தியைத் தொட்டு, ‘நான் ஆரோக்கியமாக இருக்கிறேன்’ என்று தன்னம்பிக்கையோடு மூன்று முறை மனதுக்குள் ஜெபிக்கவும்.
3. ‘காதல் கைகூடும்’ ஆமை:
- பெயர்: லவ் லோரி (Love Lorry)
- பலன்: இந்த ஏழு வண்ண ஆமையை உங்கள் தலையணைக்கு அடியில் வைத்துத் தூங்கினால், நீங்கள் விரும்பும் நபர் அடுத்த நாளே உங்கள் வீட்டு வாசலில் உங்களை மணந்து கொள்ளக் காத்து நிற்பார்.
- பயன்படுத்தும் முறை: படுக்கும் முன் இந்த ஆமைக்கு ஒரு முத்தம் கொடுத்து, அதன் காதில் உங்கள் வருங்காலக் கணவன் / மனைவியின் பெயரைக் காதலோடு 28 முறை கிசுகிசுக்கவும்.
4. ‘தேர்வில் வெற்றி’ பேனா:
- பெயர்: மார்க்ஸ் மேஜிக் மிஷைல் (Marks Magic Missile)
- பலன்: இந்தப் பேனாவால் எந்தத் தேர்வு எழுதினாலும் நீங்கள் முதல் மாணவராக வருவீர்கள். நீட், ஐ.ஏ.எஸ். உட்பட.
- பயன்படுத்தும் முறை: தேர்வு எழுதும் முன் இந்தப் பேனாவை உங்கள் நெற்றியில் மூன்று முறை தட்டி, ‘எனக்கு நூற்றுக்கு நூறு மதிப்பெண் வேண்டும்’ என்று மனதுக்குள் தியானிக்கவும்.
5. ‘சண்டை சச்சரவு இல்லாக் குடும்பம்’ புறா:
- பெயர்: பீஸ் பஃபர் ஃப்ளை (Peace Buffer Fly)
- பலன்: இந்த வெள்ளைப் புறா பொம்மையை உங்கள் வீட்டு ஹாலில் தொங்கவிட்டால் கணவன் – மனைவி சண்டை, மாமியார் – மருமகள் தகராறு எல்லாமே மாயமாக மறைந்துவிடும்.
- பயன்படுத்தும் முறை: நீங்கள் எங்கு, எப்போது, எதைச் சாப்பிட்டாலும் அதற்கு முன் இந்தப் புறாவிற்கு மானசீகமாக தானியம் ஊட்டி, நீர் பருகக் கொடுக்கவும்.
6. ‘வாகன விபத்து இல்லா’ எலி:
- பெயர்: சேஃப்டி ஸ்கூட்டர் ஸ்கவுட் (Safety Scooter Scout)
- பலன்: இந்தச் சிறிய எலி பொம்மையை உங்கள் வண்டியில் வைத்தால் போதும், எந்த விபத்தும் நடக்காது. டிராஃபிக் போலீஸ்காரர்கூட உங்களைக் கண்டுகொள்ள மாட்டார்.
- பயன்படுத்தும் முறை: வண்டி ஓட்ட ஆரம்பிக்கும் முன் இந்த எலியை வாஞ்சையோடு தடவி, ‘என்னை பத்திரமாகக் கொண்டு போய்ச் சேர்’ என வேண்டிக்கொள்ளவும்.
7. ‘நல்லுறக்கம் தரும்’ ஆந்தை:
- பெயர்: ஸ்லீப் சீக்ரெட் சாப்பர் (Sleep Secret Chopper)
- பலன்: இந்த ஆந்தை பொம்மையை உங்கள் படுக்கை அறையில் வைத்தால் நிம்மதியான தூக்கம் வரும். துர்க்கனவுகள் அண்டாது.
- பயன்படுத்தும் முறை: தூங்கப் போகும் முன் இந்த ஆந்தையின் கண்களைப் பார்த்து, ‘நல்லுறக்கம் அருள்வாய்; நற்கனவு தருவாய்!’’ என்று ப்ரார்த்தனை செய்யவும்.
8. ‘சொத்துகள் பெருக்கும்’ அணில்:
- பெயர்: ரியல் எஸ்டேட் ராக்கெட் (Real Estate Rocket)
- பலன்: இந்த அணில் பொம்மையை உங்கள் வீட்டு பூஜை அறையில் வைத்தால் வீடு, நிலம் என்று சொத்துகள் குவியும். வாடகை வருமானம் கொட்டும்.
- பயன்படுத்தும் முறை: தினமும் இந்த அணிலுக்கு பழம், காய், கொட்டைகள் படைத்து பூஜிக்கவும்.
9. ‘பில்லி சூனியம் விலக்கும்’ முள்ளம்பன்றி:
- பெயர்: ப்ளாக் மேஜிக் பேரிகேட் (Black Magic Barricade)
- பலன்: இந்த முள்ளம்பன்றியை உங்கள் வீட்டு வாசலில் வைத்தால் எந்த பில்லி சூனியமும் உங்களை நெருங்காது. ஏவல், செய்வினை எல்லாம் காலி.
- பயன்படுத்தும் முறை: அமாவாசை ஜாமத்தில் இந்த முள்ளம்பன்றிக்கு காண்டாமிருகம் பலி கொடுக்கவும்.
10. ‘தொழிலில் லாபம் பெருக’ நாய்:
- பெயர்: ப்ராஃபிட் புல்டோசர் பப்பி (Profit Bulldozer Puppy)
- பலன்: இந்தத் தங்க நிற நாய்க்குட்டியை உங்கள் அலுவலக / கல்லா மேஜையில் வைத்தால் வியாபாரம் செழிக்கும்.
- பயன்படுத்தும் முறை: தினமும் காலையில் உங்கள் இருக்கையில் அமரும் முன் இந்த நாய்க்குட்டியை வணங்கிவிட்டு, 48 முறை குரைக்கவும்.
சிறப்புச் சலுகை: மேற்கண்ட 10 பொருட்களையும் வாங்குகிறவர்களுக்கு எனிமி எலிமினேட்டர் எக்ஸ்கவேட்டர் (Enemy Eliminator Excavator) எனும், ‘எதிரிகள் தொல்லை ஒழிக்கும்’ தேள் இலவசம்!
சலுகைக்கு முந்துங்கள்! ஸ்டாக் குறைவாக உள்ளது!
