நிலாகண்ணன் கவிதைகள்

இனி மண்ணின் சுகந்தமுணர்வேன்
நீங்கள் எதற்காக அழுகிறீர்கள்.

—

எல்லாம் கைவிட்டுப் போனதால்
கால்விட்டுப் போனது
நாற்காலி.

—

வெய்யில் நுழைய
தரையுலர்கிறது
ஈரம் மறைய மறைய ஒரே நடனம்.

—

என்ன உணர்ந்தது
எதை மறந்தது
எதற்காக திரும்புகிறது
இந்த எறும்பு.

—

பித்தேறியலைகிறேன்
காலி பீர் போத்தலுக்குள் நிரம்பியிருக்கிறது
நிலவொளி

—

நிழலில் குளிர்
பழமையான மடாலயம் வருகிறது
புதிய தூக்கம்.

—

துருப்பிடித்த பயணம்
சைக்கிள் ஏறுகிறது
படரும்கொடி